Udalak datorren asteartean, otsailak 7, kirol gune bat eraikitzeko landutako aukerak aurkeztuko ditu bilera irekian
2023·02·01
Udalak datorren asteartean, otsailak 7, kirol gune bat eraikitzeko landutako aukerak aurkeztuko ditu bilera irekian
- Bilera 18:00etan izango da, Mendaroko Udaletxeko Areto Nagusian.
Mendaroko Udalak urratsak ematen jarraitzen du Kirol Azpiegituren Mapan. 2022aren hasieran hasi zen prozesua, eta martxotik ekainera bitartean garatu zuen parte-hartze prozesua. Guztira 190 herritarrek parte hartu zuten inkestan, abian jarritako bi parte-hartze ildoen bidez: online inkestak eta aurrez aurreko inkestak.
Mendaroarrek lehentasuna eman zioten kirol-gune bati, igerileku estali gabeei, bidegorriari eta futbol-zelaiari. Azaroan aurkeztu zituen estali gabeko igerilekuen hautabideak, eta orain beste urrats bat eman du, futbol-zelai bat, gimnasio bat, aldagelak eta erabilera anitzeko gainerako zerbitzu eta aretoak barne hartzen dituen kirol-gune integral baten proposamenak aurkeztuz.
Bilera irekia datorren asteartean, otsailak 7, izango da, 18:00etan, Mendaroko Udaletxeko Areto Nagusian. Iñaki Arregi alkateak eta I-ingenia, ingeniería y arquitectura S.A. enpresako ordezkariek hartuko dute parte.
Mendaroko Udalak herritar guztiak gonbidatzen ditu bilera irekian parte hartzera.