Alkatearen agurra

Mendaro herri bizi, justu, anitz, parekide, euskaldun eta konprometitua dugu helburu, besteak beste. Mendaroko alkatetzan egonda, nahi horiek errealitate bihurtzeko lanean ari gara Udal Gobernuarekin batera joan den ekainaren 17az geroztik.
Etorkizunari baikor begiratzen dion Mendaro koloretsua nahi dugu, parte-hartzailea, mendaroarren beharrei erantzungo diena eta nortasun propioa izango duena. Udalaren interneteko orriak udalaren eta herritarren artean harremana indartzeko tresna izatea du helburu, erakundeok informazio argia zabaltzea nahitaezkoa da-eta herritarren parte-hartzea bultzatzeko.
Eta hori guztia modu partekatuan egin dezagun nahi genuke, elkarri entzunez, elkarlanean, behar diren tresna guztiak erabiliz, tartean, edukiz eta itxuraz indartu, eta komunikaziorako tresna garrantzitsu bilakatu nahi genukeen webgune hau. Mendarok eta mendaroarrok merezi dugulako.

 

ENETZ EZENARRO ARRIOLA