Link interesgarriak

Atzealdea Zabalik da udalerri euskaldunetako gazteentzako topaketetan izena emateko epea

• Mendaroko Udalak herriko gazteak parte-hartzera animatu ditu. Informazio euskarriak Udalean, Ikastolan eta Goñati kiroldegian eskura daitezke. • Izena emateko epea martxoaren 31 arte izango da zabalik. Hiru modutara eman daiteke izena: www.uema.eus, 943 816 699 telefonora deituta edo posta elektronikoz hezkuntza@uema.eus.

2021·02·17

Zabalik da udalerri euskaldunetako gazteentzako topaketetan izena emateko epea

  • Mendaroko Udalak herriko gazteak parte-hartzera animatu ditu. Informazio euskarriak Udalean, Ikastolan eta Goñati kiroldegian eskura daitezke.

  • Izena emateko epea martxoaren 31 arte izango da zabalik. Hiru modutara eman daiteke izena: www.uema.eus, 943 816 699 telefonora deituta edo posta elektronikoz hezkuntza@uema.eus.

 

Udalerri euskaldunetako gazteentzako topaketak ekainaren 28tik uztailaren 4ra izango dira aurten, eta UEMAk zabaldu du dagoeneko izena emateko epea. Mendaroko Udalak herriko gazteak parte-hartzera animatu ditu. Informazio euskarriak Udalean, Ikastolan eta Goñati kiroldegian eskura daitezke.

Aurten ere ibiltaria izango da ekimena, eta Zumaiatik Lekeitiorako bidea egingo dute gazteek. Udalerri euskaldunetako gazteak euskararen inguruan sentsibilizatzea, kontzientziatzea eta eragile aktibo bihurtzea da topaketen helburua. Iaz, COVID-19ak eragindako osasun larrialdiaren ondorioz, bertan behera utzi behar izan zen ekimena.

Euskararen inguruan herritarrak kontzientziatzeko eta sentsibilizatzeko ekimenak dira UEMAren ildo nagusietako bat azken urteotan. Horren baitan, euskararen arnasguneei buruzko hezkuntza proiektua abian du UEMAk, eta ikastetxeetan ere ari dira lanean UEMAko teknikariak, Haur Hezkuntzako, DBHko eta Batxilergoko ikasleekin. Ikasleen artean hizkuntza ekologiaren diskurtsoa zabaltzea eta arnasguneen garrantzia nabarmentzea da proiektuaren helburua, gazteei euskararen normalizazio prozesuan duten garrantzia ikusarazteaz gain.

Proiektua are gehiago garatzeko, hezkuntza arautuaren mugak gainditu eta udalerri euskaldunetako gazteentzako topaketak eta udalekuak antolatu ditu UEMAk azken urteotan. Euskaraz bizi diren gazteek inertziatik kontzientziarako saltoa ematea eta horrekin efektu biderkatzailea sortzea da helburua. Aisialdiarekin eta euskal kulturarekin lotutako egitarau erakargarriarekin, gazteak sentsibilizatu eta ahalduntze kolektiborako urratsa eman nahi da urteroko topaketa hauekin.

Izena emateko epea martxoaren 31 arte izango da zabalik. Hiru modutara eman daiteke izena: