2021·06·01
TicketBai I. Azoka ekainaren 13an eta 14an, Gipuzkoako Merkataritza Ganberak antolatua
- Hainbat jarduera-sektoretarako 8 enpresa ezarlek aurkeztuko dituzten irtenbideei buruzko informazioa emango dute in situ.
- TIKET BAI foru-ogasunek eta Eusko Jaurlaritzak batera egiten duten proiektua da, zerga-iruzurraren aurkako borrokan aurrera egiteko eta zergadun guztiek betebeharrak bete ditzaten errazteko.
Ekainaren 13an (9: 00-14: 00) eta 14an (9: 00-18: 00), TicketBAI lehen azoka egingo da Gipuzkoako Merkataritza Ganberaren egoitzan, hainbat jarduera-sektoretarako ezarpena egiten duten 8 enpresak aurkeztuko dituzten irtenbideen berri in situ emateko:
- Gremio-jarduerak
- Jarduera profesionalak
- Industria-jarduerak
- Merkataritza
- Ostalaritza eta jatetxeak
- Ostatuak
- Vending
- Zibersegurtasuna...
Aldi berean, hardware eta softwareko berrikuntza garrantzitsuenak aurkeztuko dituzten hitzaldi-ziklo bat ere izango da.
Ticket BAI foru-ogasunen eta Eusko Jaurlaritzaren baterako proiektua da, zerga-iruzurraren aurkako borrokan aurrera egiteko eta zergadun guztiek betebeharrak bete ditzaten errazteko. Ekimenak hainbat betebehar dakartza berekin, fakturazio-softwareei eragiten dietenak eta kontrol fiskal handiagoa erraztuko dutenak.
Mendaroko Udalak enpresa txiki eta ertainak eta hiri-ekonomiako autonomoak gonbidatu ditu ekimen honetara.