Albisteak
Atzealdea

Mendaroko Udalak zehaztu du 2023-27 legealdirako antolaketa eredua

• Orain arteko antolaketa-eredua mantenduko da hiru eremu handiren eraketan oinarrituta: Antolaketa, Lurraldea eta Herritarrak, udal-arloak eta -sailak horietan batuta. • Gainera, osoko bilkuren aldizkakotasuna, ordainsari-taula edo kide anitzeko organoetako ordezkaritza onartu dira.

2023·07·17


Mendaroko Udalak zehaztu du 2023-27 legealdirako antolaketa eredua

  • Orain arteko antolaketa-eredua mantenduko da hiru eremu handiren eraketan oinarrituta: Antolaketa, Lurraldea eta Herritarrak, udal-arloak eta -sailak horietan batuta.
  • Gainera, osoko bilkuren aldizkakotasuna, ordainsari-taula edo kide anitzeko organoetako ordezkaritza onartu dira.

 

Pasa den astelehenean, uztailak 10, Mendaroko Udalbatzak ez-ohiko Osoko Bilkura burutu zuen eta Udalaren antolaketa zehaztu. Orain arteko antolaketa-eredua mantenduko da hiru eremu handiren eraketan oinarrituta: Antolaketa, Lurraldea eta Herritarrak, udal-arloak eta -sailak horietan batuta.

Batzorde bakoitza honako talde politiko hauek eta haien ordezkariek osatuko dute:

  • ANTOLAKUNTZA BATZORDEA. Lehendakaria: Enetz Ezenarro Arriola. Bokalak: Sonia García Raposo, Borja Rodriguez Barreras, Amaia Urra Mardaraz eta Iñaki Arregui Uria.
  • HERRITARTASUN BATZORDEA. Lehendakaria:  Jabier Muñoz Moreno. Bokalak: Dorleta Lazarobaster Arakistain, Enetz Ezenarro Arriola, Nerea Isasi Bedayo eta Nuria Clara Guerola Horrillo.
  • LURRALDE BATZORDEA. Lehendakaria: Borja Rodriguez Barreras. Bokalak: Sonia Garcia Raposo, Jabier Muñoz Moreno, Iñaki Arregui Uria eta Nerea Isasi Bedayo.

Udalaren barne-antolamenduari dagokionez, honako kargu eta izendapen hauek ezarri ziren:

  • Alkatea: Enetz Ezenarro Arriola.
  • EH Bildu taldeko bozeramailea: Enetz Ezenarro Arriola.
  • EAJ-PNV taldeko bozeramailea: Iñaki Arregui Uria.

Gainera, korporazioaren ordezkariak kide anitzeko hainbat organotan izendatu ziren. Horien artean, honako hauek nabarmentzen dira:

  • DEBEMENeko ordezkaria: Enetz Ezenarro 
  • MENDARO IKASTOLAko ordezkaria: Enetz Ezenarro
  • DEBABARRENEKO MANKOMUNITATEko ordezkaria: Enetz Ezenarro.
  • DEBEGESA ko ordezkaria: Enetz Ezenarro.
  • GIPUZKOAKO UR KONTSORTZIOAko ordezkaria: Enetz Ezenarro
  • DEBA BAILARAKO INDUSTRIALDEAko ordezkaria: Enetz Ezenarro
  • UEMA: Dorleta Lazarobaster  eta EAJko ordezkari bat.

Soldatak

Mendaroko Udaleko alkateak arduraldi esklusiboa izango du, lanaldi osoz eta EHUko irakasle moduan zeukan soldata berdinarekin, hau da, urteko soldata gordina: 50.045,88 €koa izanik.

Arduraldi esklusiboa edo partziala ez duten zinegotziek honako ordainketa hauek jasoko dituzte bileretara bertaratzeagatik:

  • Batzorde lehendakariak: 95€/bilera.
  • Bokalak: 40€/bilera.

Talde politikoak: 105 € talde politikoagatik + 33 € zinegotzi bakoitzagatik

Osoko Bilkurak

Azkenik, jakinarazi da Osoko Bilkurak hilero ohiko bilkurak egingo dituela hileko azken ostegunetan arratsaldeko 19:00etan.