.
2025·12·02
Mendaroko Udalak lankidetza-hitzarmena sinatu du Debako Gurutze Gorriarekin herritarrei arreta eta informazio zerbitzuak eskaintzeko
Mendaroko Udalak eta Debako Gurutze Gorriak lankidetza-hitzarmen berria sinatu dute, udalerriko herritarrei arreta eta informazio zerbitzuak eskaintzeko eta egoera kalteberan dauden pertsonen oinarrizko beharrak estaltzeko.
Zerbitzua hileko lehen astelehenean eskainiko da, 09:15etik 13:00etara, Mendaroko udaletxeko 3. Solairuko bulego batean.
Eskainiko diren zerbitzuak:
- Oinarrizko premiei arreta (elikagaiak eta higiene produktuak erosteko txartelak/kupoiak, garraio txartelak, haurrei laguntza berezia).
- Etxeko horniduren ordainketa eta aholkularitza energetikoa.
- Lana bilatzeko laguntza eta bideratzea.
- Laguntza-produktuen mailegua (gurpil-aulkiak, makuluak, taka-takak...).
- Prestakuntza eta sentsibilizazio tailerrak (energia, elikadura, osasun emozionala...).
Udalak espazioa lagako du eta urteko 500 euroko dirulaguntza emango dio Gurutze Gorriari.