Albisteak

Mendaroko Udalak bihotz-babes osoko sistema ezarriko du udalerrian, 4 desfibriladorerekin

• Sistemaren helburua prebentzio-eredu bat sortzea da, bihotz-biriketako gelditze-egoeretan dauden pertsonei premiazko laguntza emateko. • Zerbitzua 2023ko bigarren hiruhilekoan ezarriko da, eta laster hasiko dira boluntarioak erakartzen eta prestatzen.

2023·03·09


Mendaroko Udalak bihotz-babes osoko sistema ezarriko du udalerrian, 4 desfibriladorerekin

  • Sistemaren helburua prebentzio-eredu bat sortzea da, bihotz-biriketako gelditze-egoeretan dauden pertsonei premiazko laguntza emateko.
  • Zerbitzua 2023ko bigarren hiruhilekoan ezarriko da, eta laster hasiko dira boluntarioak erakartzen eta prestatzen.

 

Mendaroko Udalak udalerrian kardio-babes osoko sistemaren ezarpena esleitu berri du. Zerbitzua ezartzeko enpresa ALMAS INDUSTRIES BSAFE, SL izango da, 6.640,00 €+ BEZeko inbertsioarekin.

Sistemaren helburua prebentzio-eredu bat sortzea da, bihotz-biriketako gelditze-egoeretan dauden pertsonei premiazko laguntza emateko. Hori gauzatzeko lehen urratsa udalerriko espazio publikoetan desfibriladoreak jartzea izango da, larrialdi-egoeretan erraz iritsi ahal izateko. Neurri horrekin batera, behar bezala erabiltzeko gaitasuna duten boluntarioen sare bat sortuko da, eta bihotz-biriketako gelditze-egoeran dagoen pertsonaren batek arreta behar duenean erabiliko da.

Proiektuak 4 desfibriladore eskuratzea aurreikusten du, prestakuntza eta birziklatze ikastaro batekin, eta horietatik aterako da boluntario taldea.

Sarea aplikazio baten bidez konektatuta egongo da. Desfibriladoreak erabiliz gero, ohartaraziko zaio Erkidegoko boluntarioen aplikazio mugikorrari, distantzia-faktoreak eta baiezko erantzunak kontuan hartuta hartapena gauzatzeko.

Zerbitzua 2023ko bigarren hiruhilekoan ezarriko da, eta laster hasiko dira boluntarioak erakartzen eta prestatzen.