Mendaroko Kzguneak hainbat ikastaro eskaintzen ditu teknologia berriak herritarrentzat irisgarri izan daitezen

Iraileko hilabetean zehar telefono mugikor eta tabletaren erabilerari lotutako ikastaro presentzialak izango dira

Mendaroko udaletxeko hirugarren solairuan Kzguneak doako Ikastaroak eskaintzen ditu urtean zehar. Hilabetero informazioaren eta komunikazioaren teknologiari buruzko ikastaroen eskaintza zabala egoten da, eta zerbitzua ezagutarazteko bisitak egiten dira.

Irailean telefono mugikorrei lotutako aurrez aurreko ikastaroak egongo dira. Irailaren 16tik 24ra bitarte, 16:00tatik 18:00etara, “Smartphoneak eta tabletak. Zure Android gailua erabiltzen ikasi” ikastaroa egiteko aukera egongo da, euskaraz.  Irailaren 25etik 27ra “WhatsApp. Bat-bateko mezulariza zure Smartphonean” ikastaroa eskainiko da, hau ere 16:00etatik 18:00etara. 

Izena eman nahi duenak, idatzi liburutegi@mendaro.eus edo tutor.mendaro@kzgunea.net helbidera, edota deitu 945 062 555 edo 943 033 291 telefono zenbakira.

Enetz Ezenarro Mendaroko alkatearen arabera, "Mendaroko Udaletik Kzgunearen erabilera sustatu nahi dugu. Gaur egun, informazioaren eta komunikazioaren teknologiak oinarrizkoak dira gure eguneroko bizitzan, baina ez dira guztientzako erabilgarriak. Herritarren artean bada arrakala digitala deitzen den hori,  bereziki adin batetik gorakoen artean. Arrakala txikitzen laguntzea eta beharra duen jendeak teknologia hauei ahalik eta etekinik handiena ateratzen ikastea da asmoa".