Albisteak

Igerileku estaligabeak Mendaron eraikitzeko alternatiba ezberdinak aurkeztuko ditu Udalak datorren asteazkenean, azaroak 16

• Arratsaldeko 18:00etan izango da bilera irekia Mendaroko Udaleko Areto Nagusian.

2022·11·10


Igerileku estaligabeak Mendaron eraikitzeko alternatiba ezberdinak aurkeztuko ditu Udalak datorren asteazkenean, azaroak 16

  • Arratsaldeko 18:00etan izango da bilera irekia Mendaroko Udaleko Areto Nagusian.

 

Mendaroko Udalak Kirol Azpiegituren Mapan aurrera-pausuak ematen jarraitzen du. 2022 hasieran abiatu zuen prozesua eta martxoa eta ekaina artean parte-hartze prozesua garatu zuen. Guztira 190 herritarrek hartu dute parte inkestan, martxan jarritako bi partaidetza-lerroen bitartez: online eta presentzialki egindako inkestak.

Bertan, Kirolgunea, igerileku estaligabeak, bidegorria eta futbol zelaia lehenetsi zituzten mendaroarrek. Udalak guztien azterketa faseak abian ditu eta hain zuzen, herritarrei lerro horietako baten nondik-norakoen aurkezpena burutuko du: igerileku estali gabeak.

Datorren asteazkenean, azaroak 16, izango da bilera irekia, arratsaldeko 18:00etan Mendaroko Udaleko Areto Nagusian. Parte hartuko dute Iñaki Arregi alkateak eta Iñigo Carretero Sestra Ingeniería y Arquitectura S.L. enpresako ingenieria. Enpresa honek burutu du igerileku estaligabeak Mendaron ezartzeko aukeren azterketa.

Mendaroko Udalak herritar oro gonbidatzen du bilera irekian parte hartzera.