• Bost gaztandegi izango dira Mendaroko plazan 11:00etatik 14:00etara bitartean, eta bi sagardotegi desberdinen sagardo dastaketa ere eskainiko da.
2022·05·04
Gazta azoka ospatuko da Mendaron igande honetan, maiatzak 8
- Bost gaztandegi izango dira Mendaroko plazan 11:00etatik 14:00etara bitartean, eta bi sagardotegi desberdinen sagardo dastaketa ere eskainiko da.
Gazta azokaz disfrutatzeko izango dute mendaroarrek igande honetan, maiatzak 8. Azoka herriko enparantzan instalatuko da, eta ordutegia 11:00etatik 14:00etara bitartean izango da. Bertaratzen den orok bost gazta desberdin izango ditu eskura, eta horretaz gain, sagardo dastaketa ere eskainiko da Mendaroko plazan.
Gaztandegi hauen gaztak dastatzeko aukera egongo da:
- Mausitxa ardi gazta (Elgoibar)
- Egotza ahuntz gazta (Soraluze)
- Axeleku behi gazta (Mallabia)
- Goientxe ardi gazta (Mutriku)
- Sosola ardi gazta (Eibar)
Bestalde, honako bi sagardotegi hauen sagardoa dastatzeko aukera ere egongo da:
- Etarte (Mendaro)
- Ospas (Mendaro)