• Lau gaztandegi izango dira Mendaroko plazan 11:00etatik 14:00etara bitartean, eta bi sagardotegi desberdinen sagardo dastaketa ere eskainiko da.
2023·05·17
Gazta Azoka ospatuko da Mendaron igande honetan, maiatzak 21
- Lau gaztandegi izango dira Mendaroko plazan 11:00etatik 14:00etara bitartean, eta bi sagardotegi desberdinen sagardo dastaketa ere eskainiko da.
Gazta Azokaz disfrutatzeko izango dute mendaroarrek igande honetan, maiatzak 21. Azoka herriko enparantzan instalatuko da, eta ordutegia 11:00etatik 14:00etara bitartean izango da. Bertaratzen den orok lau gazta desberdin izango ditu eskura, eta horretaz gain, sagardo dastaketa ere eskainiko da Mendaroko plazan.
Gaztandegi hauen gaztak dastatzeko aukera egongo da:
- Mausitxa ardi gazta (Elgoibar)
- Egotza ahuntz gazta (Soraluze)
- Axeleku behi gazta (Mallabia)
- Goienetxe ardi gazta (Mutriku)
Bestalde, honako bi sagardotegi hauen sagardoa dastatzeko aukera ere egongo da:
- Etarte (Mendaro)
- Ospas (Mendaro)
Mendaroko Udalak dei egiten die herritarrei azokan parte har dezaten.