Albisteak

Frontoiko eta ikastolako argiak LED teknologiara aldatu ditu Udalak, energia jasangarritasunean sakontzen jarraituz

1
Guztira 22 kale-argi aldatu dira eta inbertsioa 8.052,06 eurotakoa izan da.

2020·12·03


Frontoiko eta ikastolako argiak LED teknologiara aldatu ditu Udalak, energia jasangarritasunean sakontzen jarraituz

  • Guztira 22 kale-argi aldatu dira eta inbertsioa 8.052,06 eurotakoa izan da.
  • Argiztapen-sistema berrien instalazioek energia-eraginkortasuna hobetzea dute helburu, lehendik daudenen ordez energia-kontsumo murritzagoa eta ingurumenarekiko begirunea dakarten beste batzuk jarriz, jasangarritasun-ereduan sakonduz.

 

Mendaroko Udalak Frontoiko eta Ikastolako kale-argiak LED teknologiara aldatu ditu. Guztira 22 luminaria dira aldaturakoak: 14 frontoian eta 8 ikastolan. Jardueraren helburua argiteria publikoan energia elektrikoaren kontsumoa murriztea da. 200 W-koak dira luminaria berriak eta inbertsioa 8.052,06 eurotakoa izan da. Aktuazioa Mendaroko Udalaren Energia Jasangarriaren eta efizientzia energetikoa Hobetzeko Ekintza Planaren baitan kokatzen da.

Jarduketa honen bidez, gutxienez energia % 65 aurreztu nahi da aipatutako kontsumoaren gainean. Luminaria horiek ordezkatuz eta puntuz-puntuko erregulazio-sistema bat ezarriz, energia-kontsumoa murriztu, ingurunearekiko jasangarriagoak bilakatu, argiztapenaren kalitatea hobetu eta, gainera, instalazioaren mantentze-lanen kostuak murriztu nahi dira; izan ere, Led teknologiako luminariek bizitza erabilgarri luzeagoa dute, energetikoki eraginkorragoak dira eta argi-fluxuaren bat-bateko erregulazioa ahalbidetzen dute. Aipatzekoa da aurrezpen horrek atmosferara isurtzen diren berotegi-efektuko gasak gutxitzea eta argi-kutsadura gutxitzea ekarriko duela.

1