Arno guraso elkarteak, Aldundiko Eskola Kirola programaren barruan, ikasturte berrirako Eskola Kirola martxan jarri du
2024·09·20
Lehen Hezkuntzako (LH) 3,4,5 eta 6. mailako ikasle guztiei zuzendua dago eta eskubaloia, saskibaloia eta futbolaz gain beste kirol eta jolas ekintza batzuk ere landuko dira. Entrenamendu egunak ostiralak izango dira (ordutegia aurrerago zehaztuko da) eta topaketa egunak larunbat goizak izango dira. Urteko kuota 50 eurokoa izango den arren, ondoren zehazten diren egoeretan dauden familiek ikasleko 20 euroko kuota izango dute egiaztagiria Arno guraso elkarteko helbidera bidali ondoren: arnokirolak@gmail.com
-Diru-sarrerak bermatzeko errenta duten familiak (DBE)
-Gizarte larrialdietarako diru-laguntzak jasotzen dituzten familiak
-Gutxieneko diru-sarrera duten familiak
Izena emateko azken eguna irailaren 27a izango da.